“ياسين” إبن مدينة آسفي “اليوتيوبر” والدراج المغامر المغربي لي قطع قارة إفريقيا وأمريكا اللاتينية كاملة بالدراجة ديالو ، ودابا قرر يعمل مغامرة صعيبة في صحراء آسيا وقرر يقطعها بالبيكالا ..
أنا من المتتبعين ديالو وشوفت الفيديو الأخير لي نشر في اليوتوب والله من أصعب المواقف لي داز منهم ..
هاد السيد شاف المـوت بعينو حتى حس بالنهاية ديالو باش تقطع مسافة مئات الكيلومترات في طريق غير الصحرى و الحرارة فاتت 65 درجة صعيبة ..
بزاف دناس نصحوه في باش مايغامرش فهاد طريق لكن حب المغامرة والتحدي خلاه يقبل التحدي ..
“ياسين” غير ربي حفظو وسخرلو واحد من عباده الصالحين لي عتقو في آخر لحظة وعطاه الماء يشرب وطلعو معه في الشاحنة باش يوصلو لوسط المدينة
باش تركب دراجة هوائية وتقطع صحراء “لوط” في إيران الصحراء لي كاتسجلت أعلى درجة حرارة في العالم وكاتوصل حتى لـ 70 درجة فما فوق وهي أسخن منطقة حتى من صحراء “سونوران” في المكسيك الحمد الله خرجتلو بخير واستطاع يخرج منها سالم على سلامتو
