كنشوفوا ديما وليد الركراكي حيت هو الواجهة كمدرب طبعا ولكن كنساو الخدمة الكبيرة ديال هاد السيد لي هو ل Adjoint ديال وليد ولي كيتعتابر جندي من جنود الخفاء ✌الناس لي مكيعرفوش غريب أمزين هو لاعب سابق فالمنتخب الوطني المغربي ولعب فترة طويلة من 97 حتال 2006 كظهير أيمن وتارة كجناح وجاور وليد الركراكي كلاعب فالمنتخب واليوم كيرجع ليه كمساعد مدرب ✅
شارك مع المنتخب المغربي ف مونديال 98 رفقة الراحل هنري ميشال ولعب مع 3 فرق فرنسية أهمها نادي ستراسبورغ لي توج معه ب كأس فرنسا سنة 2001 ✅
المغاربة لي عاصروا الفترة ديالو كيتفكروه بالهدف الأنطولوجي ضد الجزائر بقيادة جمال بالماضي كلاعب أنذاك ف ملعب 5 جويلياه سنة 2001 ✅
أمزيل حاصل على شهادة التدريب A واشتغل كمساعد مدرب في فريق troyes الفرنسي قبل ميلتاحق بالنخبة الوطنية لمساعدة وليد الركراكي باش يختار التكشيلة المناسبة لكل لقاء و من نقط القوة ديالو كذلك هي قراءة الخصوم بشكل جيد و معروف كذلك بالتواصل الجيد مع سطاف و اللاعبين ✅
بالتوفيق لغريب أمزين رفقة الأسود ونتمناو للجهاز الفني بأكمله الذهاب لأبعد نقطة ممكنة من كأس العالم إن شاء الله ✌
